Oktyabr 20, 2020

Yazarbaycan

Milli Yazarların Portalı

Türkdilli xalqların dramaturqlarının əsərlərindən ibarət “Teatr almanaxı” adlı kitab çap olundu

Beynəlxalq Türk Mədəniyyəti Təşkilatının (TÜRKSOY) nəşrləri çərçivəsində “Teatr almanaxı” kitabının IV cildi Ankarada çap olunub.

Kitab Azərbaycanın böyük dramaturqları Cəlil Məmmədquluzadənin 150, Cəfər Cabbarlının 120, başqırdıstanlı dramaturq Mustay Kərimin 100 illik yubileylərinə ithaf olunub.

Nəşr Azərbaycanın TÜRKSOY-dakı nümayəndəsi Elçin Qafarlı tərəfindən çapa hazırlanıb.

Kitabda böyük dramaturqlar Cəfər Cabbarlının “Ədirnənin fəthi”, Cəlil Məmmədquluzadənin “Dəli yığıncağı” və Mustay Kərimin “Ay tutulması gecəsi”, qazaxıstanlı Duman Ramazanın “Abılay xanın arzusu”, tatar Tufan Minnulinin “Şeytana lənət” pyesləri və digər türkdilli xalqların yazıçılarının əsərləri türk dilində yerləşdirilib.

Nəşrin “Ön söz” müəllifi TÜRKSOY-un Baş katibi Düsen Kaseinovdur.(Azərtac)

Bizi Telegram-da oxuyun.